FANDOM


Pushkin and the sea

Proščanje Puškina s morjem obraz iz 1877 goda.

Кирилица
К МОРЬУ


(К МОРЮ)

автор: Александр Сергеевич Пушкин прѣвод: Aquarius ревизија:asank правописанье: MS Plus


Сбогом, свободна стихијо!
Напослѣдък прѣд мнојѫ
Ты гониш вълны азурне,
Блѣскајеш красојѫ гърдојѫ.

Како друга роптанье жалостно,
Како зов јего в прошчальнѫ часинѫ,
Твој мрачны и зъвѫћи шум
Ја напослѣдък слышѫ,
Глѧдајѫћи твојѫ глубинѫ.

Мојеј душе граница хћема!
Како чѧсто по брегам твојим
Бродил ја тихи и нејасны,
Тајемным замыслом моримы![1]

Како ја льубил твоје одзывы,
Азурној бездны глухи глас,
И мъртвѫ тишинѫ в вечерны час,
И вълн непокорне порывы!

Скромна лодька рыбаков,
Твојејѫ вольејѫ хранима,
Плываје храбро всрѣд вълн,
Але твој замысл изменил сѧ,
И тоне чълн.

Не смогл навѣки ја оставити
Тој немилы вѣчны брѣг,
И тебе радостно витати
И по хребетам твојим направити
Мој дързки поетичны бѣг!

Ты чѣкал, звал… Ја не был волны;
Надармо рвала сѧ душа моја:
Великојѫ страстьѫ очарованы,
Около брѣгов остал ја…

Об чем жалити? Кѫды бы нынѣ
Мнѣ пѫт безпечны направити?
Једин прѣдмет в твојеј пустыньи
Мнѣ може душѫ удивити.

Једина скала, могила славы…
Там погрѫжали сѧ во хладны сън
Взпомнѣньа пышне: Там нездравы
Хворѣл и гаснѫл Наполеон.

Там он умрел срѣд мѫчень и
Послѣ ньего, како всрѣд бурье шумов
Иној од нас одбѣгл гениј,
Иној господарь наших разумов.

Изчезл, нарѣканы свободојѫ
Оставил свѣт тој пѫтователь.
Шуми, гнѣвај сѧ непогодојѫ:
Он был, о морье, твој пѣватель.

Твој образ был на ним означены,
Он духом был твојим изтворьены
Како ты глѫбоки, моћны, мрачны,
И такоже никому неподрѧдны[2]

Свѣт опустил… Кѫды же нынѣ
Мене быс вынесл, океане?
Всегде једино: каждо благо
Уж острѣгаје просвѣћенье или тиран.

Сбогом, морье! Не забѫдѫ
Ја твојеј пышној красы
И на дълго слышати бѫдѫ
Твој шум во вечерне часы.

В лесы, в пустынье мълчаливе
Прѣнесѫ, тобојѫ пълны,
Скалы твоје и заливы,
И блѣск, и тѣни, и вълны.


K MORJU


(К МОРЮ)

avtor: Александр Сергеевич Пушкин prěvod: Aquarius revizija: asank pravopisanje: MS Plus


Sbogom, svobodna stihijo!
Naposlědòk prěd mnojų
Ty goniš vòlny azurne,
Blěskaješ krasojų grdojų.

Kako druga roptanje žalostno,
Kako zov jego v proščaľnų časinų,
Tvoj mråčny i zòvųći šum
Ja naposlědòk slyšų,
Ględajųći  tvojų glubinų.

Mojej duše granica hćema!
Kako čęsto po bregam tvojim
Brodil ja tihi i nejasny,
Tajemnym zamyslom morimy![3]

Kako ja ljubil tvoje odzyvy,
Azurnoj bezdny gluhi glås,
I mŕtvų tišinų v večerny čas,
I vòln nepokorne poryvy!

Skromna loďka rybakov,
Tvojejų voljejų hrånima,
Plyvaje hråbro vsrěd vòln,
Ale tvoj zamysl izmenil sę,
I tone čòln.

Ne smogl navěki ja ostaviti
Toj nemily věčny brěg,
I tebe radostno vitati
I po hrebetam tvojim napraviti
Moj dŕzki poetičny běg!

Ty čěkal, zval… Ja ne byl volny;
Nadarmo rvala sę duša moja:
Velikojų strastjų očarovany,
Okolo brěgov ostal ja…

Ob čem žaliti? Kųdy by nyně
Mně pųt’ bezpečny napraviti?
Jedin prědmet v tvojej pustynji
Mně može dušų udiviti.

Jedina skala, mogila slavy…
Tam pogrųžali sę vò hlådny sòn
Vzpomněnja pyšne: Tam nezdråvy
Hvorěl i gasnųl Napoleon.

Tam on umrel srěd mųčeń  i
Poslě njego, kako  vsrěd burje šumov
Inoj od nas odběgl genij,
Inoj gospodaŕ naših råzumov.

Izčezl, narěkany svobodojų
Ostavil svět toj pųtovateľ.
Šumi, gněvaj sę nepogodojų:
On byl, o morje, tvoj pěvateľ.

Tvoj obraz byl na nim označeny,
On duhom byl tvojim iztvorjeny
Kako ty glųboki, moćny, mråčny,
I takože nikomu nepodrędny[4]

Svět opustil… Kųdy že nyně
Mene bys vynesl, okeane?
Vsegde jedino: každo blågo
Už ostrěgaje prosvěćenje ili tiran.

Sbogom, morje! Ne zabųdų
Ja tvojej pyšnoj krasy
I na dòlgo slyšati bųdų
Tvoj šum vò večerne časy.

V lesy, v pustynje mòlčalive
Prěnesų, tobojų pòlny,
Skaly tvoje i zalivy,
I blěsk, i těni, i vòlny.

  1. од морити
  2. неподрѧдны = не- подрѧдны
  3. od moriti
  4. nepodrędny = ne- podrędny

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.