Fandom

Medžuslovjanski Vikisbornik Wiki

Kto je neprijateljem Rosiji? - Gabriel Svoboda

52pages on
this wiki
Add New Page
Comments0 Share
Кирилица
КТО ЈЕ НЕПРИЈАТЕЛЬЕМ РОСИЈИ?

Членък написаны марцем 2012, написано дльа странице Izvěsti.info

автор: Gabriel Svoboda правописанье: MS Plus ревизија: asank


В врѣменѣ росијских прѣдвыборных дебат, президентске кандидаты Михаил Дмитријевич Прохоров и Владимир Вольфович Жириновски не были съгласне об том, кто сѫт потенциалными пријательами и непријательами их крајины. Милиардер Прохоров гласил, же Росији је трѣба далѣјша интеграција с Европојѫ, але Жириновски, прѣдсѣдатель националистичној Либерално-Демократичној Партије Росије, изстѫпал за ближѣјше свѧзки с словјанскими братами Украјинојѫ и Бѣлорусјѫ и прѣдупрѣджал од непријательев, на примѣр западных държав, Китаја и Јапоније.

"Тутчасно три глобалне срѣдишчја формујѫт сѧ: Сјединьенѣ Штаты с Латинскојѫ Америкојѫ, Китај с Индијејѫ и иными азијатскими крајинами, и Росија с Европъјѫ," сказал Прохоров. Ни Росија ни Европа не бѫдѫт можне стојати лицем против конкуренцији в новом свѣтовом порѧдку, и за то он закльучил, же "Европа је нашим стратегичным партнером." Је трѣба, что бы Росија и Европејска Унија закончили визы и створили једины економичны простор — моћно економично пространство.

В одношенју к јужным сѫсѣдам Росије, Прохоровова политика была бы точно противна: страгѣјше границне контроли и регулација виз, что бы унеможливити търговјѫ наркотиками и незаконно прѣселенје. "То је једина права политика дльа нашеј крајины," он додал. Прохоров сказал, же недемократичне и непријательске режимы, где льудске права нарушајѫт сѧ, на примѣр Иран и Сирија, сѫт потенциалными непријательами Росије. "Але нам је всегда трѣба разважати интересы Росије. Загранична политика је инструментом нашего развитја."

Жириновски сказал, же Сјединьене Штаты, их европејске съјѫзники, Китај, Јапонија и Турција сѫт непријательами Росији за то, же они хћѫт "изничити нашѫ крајинѫ". Меджу иными пријательами Росији он именовал Украјинѫ, Казахстан, Бѣлорусь, Булгаријѫ, Арменијѫ и "Корејѫ".


KTO JE NEPRIJATELJEM ROSIJI?


Členòk napisany marcem 2012, napisano dlja strånice Izvěsti.info.

avtor: Gabriel Svoboda pravopisanje: MS Plus revizija: asank



V vrěmeně rosijskih prědvybornyh debat, prezidentske kandidaty Mihail Dmitrijevič Prohorov i Vladimir Voľfovič Žirinovskí ne byli sòglåsne ob tom, kto sųt potencialnymi prijateljami i neprijateljami ih krajiny. Miliarder Prohorov glåsil, že Rosiji je trěba dalějša integracija s Evropojų, ale Žirinovskí, prědsědateľ nacionalističnoj Liberalno-Demokratičnoj Partije Rosije, izstųpal za bližějše svęzki s slovjanskimi bratami Ukrajinojų i Běloruśjų i prěduprědžal od neprijateljev, na priměr zapadnyh dŕžav, Kitaja i Japonije.

"Tutčasno tri globalne srědiščja formujųt sę: Sjediňeně Štaty s Latinskojų Amerikojų, Kitaj s Indijejų i inymi azijatskimi krajinami, i Rosija s Evropòjų," skazal Prohorov. Ni Rosija ni Evropa ne bųdųt možne stojati licem protiv konkurenciji v novom světovom porędku, i za to on zaključil, že "Evropa je našim strategičnym partnerom." Je trěba, čto by Rosija i Evropejska Unija zakončili vizy i stvorili jediny ekonomičny prostor — moćno ekonomično prostrånstvo.

V odnošeňju k južnym sųsědam Rosije, Prohorovova politika byla by točno protivna: strågějše granicne kontroli i regulacija viz, čto by unemožliviti trgovjų narkotikami i nezakonno prěseleňje. "To je jedina prava politika dlja našej krajiny," on dodal. Prohorov skazal, že nedemokratične i neprijateľske režimy, gde ljudske prava narušajųt sę, na priměr Iran i Sirija, sųt potencialnymi neprijateljami Rosije. "Ale nam je vsegda trěba råzvažati interesy Rosije. Zagranična politika je instrumentom našego råzviťja."

Žirinovskí skazal, že Sjediňene Štaty, ih evropejske sòjųzniki, Kitaj, Japonija i Turcija sųt neprijateljami Rosiji za to, že oni hćųt "izničiti našų krajinų". Medžu inymi prijateljami Rosiji on imenoval Ukrajinų, Kazahstan, Běloruś, Bulgarijų, Armenijų i "Korejų".

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.