FANDOM


Jan Kochanowski

Jan Kochanowski 1530-1584

Кирилица
Ян Кохановски
ПѢСНЯ ИИ
(Pieśń II)

прѣвод: бандзиол20, М. Сват ревизия: М. Сват pravopisanje: MS Plus Ukrainian Cyryllic

Срдце расте  красоѭ той хвилї
Мало прѣд том голе лѣсы были
Снѣг на земї выше локтьа[1] лежал
А по рѣках воз найтѧжши бѣжал

Нынѣ дрѣва листы уж надѣли
польне лѫки красно разцвѣтели
Леды прошли, а на поврху воды
Идѫт корабы, обработане[2] лоди

Нынѣ истинно сѧ свѣт весь  смѣє,
жито[3] встало, западны вѣтр вѣє
Птице уж об гнѣздах размысляѭт
Прѣд зорє приходом пѣвати починаѭт

Але основа веселя истого
Къгды чловѣк сѫмнѣня чистого
Ни чує в срдцу ниєдной вины
За что бы сѧ срамити цѣлєв своїх повинны

Єму вина не трѣба много давати
Ни играти на лютнє, ни єму пѣвати
Бѫде веселы навет и о водѣ
Ибо сѧ чує исто на свободѣ

Але кого моль укрыты кѫса
Йѣда ниєдна єму не вкѫсна
Ни пѣсня ни глас не ткне му души
Все иде на вѣтр, избѣга уши

Мыслї добра, коєй не сваби
ктоколи, хоть дом єдвабом бы набил,
Не грдь моїм альтаном[4] дрѣвяным
А бѫди с мноѭ, трѣзвым а пияным!


Jan Kochanowski
PĚSNJA II
(Pieśń II)

prěvod: bandziol20, M. Swat revizija: M. Swat pravopisanje: MS Plus

Sŕdce råste  krasojų toj hvilji
Malo prěd tom gole lěsy byli
Sněg na zemji vyše loktja[5] ležal
A po rěkah voz najtęžši běžal

Nyně drěva listy už naděli
poljne lųki krasno råzcvěteli
Ledy prošli, a na povŕhu vody
Idųt koraby, obråbotane[6] lodi

Nyně istinno sę svět veś  směje,
žito[7] vstalo, zapadny větr věje
Ptice už ob gnězdah råzmysljajųt
Prěd zorje prihodom pěvati počinajųt

Ale osnova veselja istogo
Kògdy člověk sųmněnja čistogo
Ni čuje v sŕdcu nijednoj viny
Za čto by sę sråmiti cěljev svojih povinny

Jemu vina ne trěba mnogo davati
Ni igrati na ljutnje, ni jemu pěvati
Bųde vesely navet i o vodě
Ibo sę čuje isto na svobodě

Ale kogo moľ ukryty kųsa
Jěda nijedna jemu ne vkųsna
Ni pěsnja ni glås ne tkne mu duši
Vse ide na větr, izběga uši

Myslji dobra, kojej ne svabi
ktokoli, hoť dom jedvabom by nabil,
Ne grď mojim aľtanom[8] drěvjanym
A bųdi s mnojų, trězvym a pijanym!

  1. lokòť - měra dòlgosti
  2. Pŕvobytno "ociosane".
  3. Pŕvobytno "zboże".
  4. anglijski:summerhouse hŕvatski:sjenica poljski:altana,chłodnik,ciennik
  5. lokòť - měra dòlgosti
  6. Pŕvobytno "ociosane".
  7. Pŕvobytno "zboże".
  8. anglijski:summerhouse hŕvatski:sjenica poljski:altana,chłodnik,ciennik

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.