Fandom

Medžuslovjanski Vikisbornik Wiki

Po zlosti pijanicam - Michał Swat

53pages on
this wiki
Add New Page
Comments0 Share
Кирилица
ПО ЗЛОСТИ ПИЈАНИЦАМ

Поем првобытно меджусловјанском писаны.

автор: M. Swat правописанье: Medžuslovjanski

Пришлы до ме некогда
Пиво, водка а вода,
А говорет: "Изпиј си!
Хочеме служити ти!"
Но ја јесм был по вечерьи
Поздно јести не добро ми.
"Ја не могу" рекл јесм за то
"Трех изпити, поздно тако..."
Па возму само једного
Ночеју буде ми благо

Итак стојут три напитки:
Гледам: пиво, позор бридки
Жолте целе, полно пены
Напиток може хвальены
Чехи го пијут бочвами
Но нехај го пијут сами
Ја не хчу. Берь је кто ины
Пиво в том не има вины.

Смотрьу: вот обычна водка
Славна и цело несладка
Може бых ју могл изпити
Но буде внутри горети
Може ноч или тож две
Напој сеј не за мене
За что пити сјаку моч
Когды близко уж је ноч?

Но напротив ме јест вода
Вода всегды силы дода
А вкус в ньеј тож не јествује:
Злого вкуса не почујеш
Вода хладна, вода чиста
Воды литров пиј и триста
Вода не затемни главы
Вода не ујме ти славы
Добра јест на всьаке бреме
Воду пити сејчас време

Вода честьеју телесе
Напојем јест из небесе
Боже, декују да могу
хвала Богу, пити воду
Днесь не хоцу алкохольа
Ибо така моја вольа
Тым что хчели бы инако
Ја напротив рекам тако:
Меджу "водка" а "вода"
Јест једино буква "ка"
Хоти не јесм иноземцем
Воды буду брал днесь грнцем
Ибо таку жеджу имам
Воду в групе или сам
По злости пијаницам


PO ZLOSTI PIJANICAM

Poem pŕvobytno medžuslovjanskom pisany.

avtor: M. Swat pravopisanje: MS Plus

Prišly do mę někògda
Pivo, vodka a voda,
A govoręt: "Izpij si!
Hoćeme služiti ti!"
No ja jesm byl po věčerji
Pozdno jěsti ne dobro mi.
"Ja ne mogų" rěkl jesm za to
"Trěh izpiti, pozdno tako..."
Pa vòzmų samo jednogo
Noćejų bųde mi blågo

Itak stojųt tri napitki:
Ględam: pivo, pozor bridki
Žòlte cěle, pòlno pěny
Napitòk može hvaljeny
Čehi go pijųt bočvami
No nehaj go pijųt sami
Ja ne hćų. Beŕ je kto iny
Pivo v tom ne ima viny.

Smotrjų: vot obyčna vodka
Slavna i cělo neslådka
Može byh jų mogl izpiti
No bųde vnųtri gorěti
Može noć ili tòž dvě
Napoj sej ne za mene
Za čto piti sjakų moć
Kògdy blizko už je noć?

No naprotiv mę jest voda
Voda vsegdy sily doda
A vkųs v njej tòž ne jestvuje:
Zlogo vkųsa ne počuješ
Voda hlådna, voda čista
Vody litrov pij i trista
Voda ne zatemni glåvy
Voda ne ujme ti slavy
Dobra jest na vsjake brěmę
Vodų piti sejčas vrěmę

Voda čęstjejų telese
Napojem jest iz nebese
Bože, dękujų da mogų
hvala Bogu, piti vodų
Dneś ne hocų alkoholja
Ibo taka moja volja
Tym čto hćeli by inako
Ja naprotiv rěkam tako:
Medžu "vodka" a "voda"
Jest jedino bukva "ka"
Hoti ne jesm inozemcem
Vody bųdų bral dneś grncem
Ibo takų žędžų imam
Vodų v grupě ili sam
Po zlosti pijanicam

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.