FANDOM


Cyril and Methodius
Кирилица

ПРОГЛАС

(ⰒⰓⰑⰃⰎⰀⰔⰟ )

Прѣдсловје до четырѣх евангелиј църковнословјанских, написано Свѧтым Кирильем во Великој Моравѣ, около 863-867 лѣта, једин из първых текстов ћърковнословјанских.


автор: Свѧты Кирил, учитель словјански прѣвод: asank правописанье: MS Plus


Прѣдсловје јесм свѧтој евангельи

Како пророки обећали сѫт прѣдже

Христос приходи събрати народы (вслѣд Из. 66,18)

Ибо свѣтлом јест всему свѣту сему (вслѣд Јован. 8:12)


Се сѧ стало во седмом тысѧћолѣтьу сѣм

Ибо они рѣкли: слѣпи увидѫт

Глухи услышѫт слово писемно (Ис. 29,18)

Бога убо познати трѣба.

Заради того слыште, Словјане, собѣ:

сеј јест дар од Бога ту даны

Дар божји јест десној чѧсти (Мат 25,33)

дар душам, кој никда не погинаје (вслѣд Мат 6,19-20)

душам тѣм, јеже го пријмѫт.



Матеј, Лука, Марко и Јован

учѧт все народы говорьѫћи:


Ако ли својих душ красотѫ

видѣти хоћете и радовати сѧ

грѣшнѫ тьмѫ изгнати

и свѣта сего праздность одмести

и рајски живот изискати

и избѣгти од огньев горѧћа

слыште нынѣ свој разум

слыште словјанске все народы

слыште слово, кторе од Бога иде

слово, јеже кърми чловѣче душе

слово, иже крѣпи и сърдце и ум (вслѣд Ј 6,26-27.33-35)

слово, иже Бога познати вас приготови.


Како без свѣтла радости немаје

оку видѧћему божје створьенье все -

- јемуже все ни лѣпо ни видимо јест (вслѣд Мат 6,22-23)


Тако и душа всьака без букв

Несвѣдома јест закона божјего

закона писемного а закона духовного

Закона рај божји објавјајѫћего.


Каки слух къгды звѫка грома

не слыши, Бога може бојати сѧ?


И ноздра, цвѣта не ньухајѫће

како божје ћудо сразумѣјѫт?

И уста, иже сладкости не чујѫт

чинѧт чловѣка како камень.


Выше сего душа безписемна

објавјаје сѧ во льудьах мъртва.

Ово все мы, брати, јесмо обдумали,

и говоримо съвѣт потрѣбны

онже всих льудиј оддѣли


од живота звѣрского и пожѧды (вслѣд Гал 5,24)

что бысте не имали ума неразумного,

и иноземском јѧзыком слушајѫћи слово

како мѣдѣного звона глас слышали. (вслѣд 1 Кор. 13:1)


Ибо то свѧты Павъл учитель сказал:


"Молитвѫ својѫ најпърво давам,

а словес хћѫ само пѧть изрѣкти

разумливо говорити

что бы и все брати разумѣли

нѣжели повѣдѣти мрак рѣчи неразумных." (вслѣд 1 Кор. 4:19)


Чловѣк кој не разумѣ

кој не доложи !!!!притче!!!!! мѫдрој

како може сказати правѫ рѣч нам?


Ибо како гнилость овладываје тѣло

все разпадајѫћи, выше гноја гнијѫћи

къгды [тѣло] својего јѣдива не имаје

тако душа всьака падаје [в] житьи

божјего не имајѫћи живота

къгды словесе божјего не слыши.


Инѫ јешће притчѫ мѫдрѫ

повѣдьмо: льуди, льѫбѧће сѧ,

хоћѫће расти божјим растом

кто бы не знал тој правој истины:

како сѣмена падајѫће на польу

тако јест на срьдцах чловѣчих (вслѣд Мат. 13,3-8.19)


им трѣба дъждьа божјих буквеј

что бы плад божји растл выше добро


Кто јест можны сказати все притче

које напоминајѫт все без книг народы, доказывајѫћи,

иже не говорѧт гласом сразумительным?


Ни хоти бы нѣкто знал јѧзыки всьаке (вслѣд 1 Кор 13,1)

не могл бы сказати немоћи ихној.


Једнакоже да ја својѫ притчѫ прѣдставјѫ,

Много мѫдрости в немногих рѣчах кажѫћи

Голи сѫт все без книг народы

А без орѫжја бојовати не могѫт

со противником душеј наших

и готови сѫт что бы мѫк вѣчных пленом быти

Але народы које врага не льубите

и борити сѧ с ним велье хћете


отворите охотно двери разума вашего

пријмијте орѫжје твърдо нынѣ (вслѣд Еф. 6,17)

јеже ковајѫт книги Господьеве

<p style="font-style: normal"разтирајѫће (вслѣд Ген 3,15)</p>


Буквы сеје, кторы чловѣк пријме

тому Христос мѫдрость својѫ објави

и писменами душе ваше подкрѣпи

и апостолами и пророками.

Јербо льуди, ихне словеса глагольѫће


можни бѫдѫт врага убити

побѣдѫ приношѫћи добрѫ к Богу

а избѣгајѫћи гнијѫћего разпада тѣлесе

тѣлесе, јегоже живот - како во снѣ.


Не падајѫћи, але крѣпко стојѫћи

они Богу објавјѫ сѧ како храбри

стојати бѫдѫт по деснице божјего трона (Мат 25,33)


къгда огньем [Бог] бѫде сѫдил народы (вслѣд Мар 9,49)


они бѫдут радовати сѧ с ангелами навѣки

славјѫћи вѣчно Бога милосърдного

книжными всьакимо пѣсньами

Богу пѣвајѫћи, льуди льубјѫћему


Јербо Јему приналежи всьака слава,

честь и хвала Божјему Сыну заједно

со Отцем и Свѧтым Духом

на вѣкы вѣков од всѣх створов.



Амин.


PROGLAS

(ⰒⰓⰑⰃⰎⰀⰔⰟ )

Prědslovje do četyrěh evangelij cŕkovnoslovjanskih, napisano Svętym Kiriljem vò Velikoj Moravě, okolo 863-867 lěta, jedin iz pŕvyh tekstov ćrkovnoslovjanskih.


avtor: Svęty Kiril, učiteľ slovjanski prěvod: asank pravopisanje: MS Plus


Prědslovje jesm svętoj evangelji

Kako proroki obećali sųt prědže

Hristos prihodi sòbrati narody (vslěd Iz. 66,18)

Ibo světlom jest vsemu světu semu    (vslěd Jovan. 8:12)


Se sę stalo vò sedmom tysęćolětju sěm

Ibo oni rěkli: slěpi uvidųt

Gluhi uslyšųt slovo pisemno    (Is. 29,18)

Boga ubo poznati trěba.

Zaradi togo slyšte, Slovjane, sobě:

sej jest dar od Boga tu dany

Dar božji jest desnoj čęsti (Mat 25,33)

dar dušam, koj nikda ne poginaje    (vslěd Mat 6,19-20)

dušam těm, ježe go prijmųt.


Matej, Luka, Marko i Jovan

učęt vse narody govorjųći:


Ako li svojih duš krasotų

viděti hoćete i radovati sę

grěšnų ťmų izgnati

i světa sego pråzdnosť odmesti

i rajski život iziskati

i izběgti od ognjev goręća

slyšte nyně svoj råzum

slyšte slovjanske vse narody

slyšte slovo, ktore od Boga ide

slovo, ježe kŕmi člověče duše

slovo, iže krěpi i sŕdce i um      (vslěd J 6,26-27.33-35)

slovo, iže Boga poznati vas prigotovi.


Kako bez světla rådosti nemaje

oku vidęćemu božje stvorjenje vse -

- jemuže vse ni lěpo ni vidimo jest (vslěd Mat 6,22-23)


Tako i duša vsjaka bez bukv

Nesvědoma jest zakona božjego

zakona pisemnogo a zakona duhovnogo

Zakona raj božji objavjajųćego.


Kaki sluh kògdy zvųka groma

ne slyši, Boga može bojati sę?


I nozdra, cvěta ne njuhajųće

kako božje ćudo sråzumějųt?

I usta, iže slådkosti ne čujųt

činęt člověka kako kameń.


Vyše sego duša bezpisemna

objavjaje sę vò ljudjah mŕtva.

Ovo vse my, brati, jesmo obdumali,

i govorimo sòvět potrěbny

onže vsih ljudij odděli


od života zvěrskogo i požędy         (vslěd Gal 5,24)

čto byste ne imali uma neråzumnogo,

i inozemskom językom slušajųći slovo

kako měděnogo zvona glås slyšali. (vslěd 1 Kor. 13:1)


Ibo to svęty Pavòl učiteľ skazal:


"Molitvų svojų najpŕvo davam,

a sloves hćų samo pęť izrěkti

råzumlivo govoriti

čto by i vse brati råzuměli

něželi pověděti mråk rěči neråzumnych."  (vslěd 1 Kor. 4:19)


Člověk koj ne råzumě

koj ne doloži !!!!pritče!!!!! mųdroj

kako može skazati pravų rěč nam?


Ibo kako gnilosť ovladyvaje tělo

vse råzpadajųći, vyše gnoja gnijųći

kògdy [tělo] svojego jědiva ne imaje

tako duša vsjaka padaje [v] žitji

božjego ne imajųći života

kògdy slovese božjego ne slyši.


Inų ješće pritčų mųdrų

pověďmo: ljudi, ljųbęće sę,

hoćųće råsti božjim råstom

kto by ne znal toj pravoj istiny:

kako sěmena padajųće na polju

tako jest na sŕdcah člověčih      (vslěd Mat. 13,3-8.19)

im trěba dòždja božjih bukvej

čto by plåd božji råstl vyše dobro


Kto jest možny skazati vse pritče

koje napominajųt vse bez knig narody, dokazyvajųći,

iže ne govoręt glåsom sråzumiteľnym?


Ni hoti by někto znal języki vsjake   (vslěd 1 Kor 13,1)

ne mogl by skazati nemoći ihnoj.


Jednakože da ja svojų pritčų prědstavjų,

Mnogo mųdrosti v nemnogih rěčah kažųći

Goli sųt vse bez knig narody

A bez orųžja bojovati ne mogųt

so protivnikom dušej naših

i gotovi sųt čto by mųk věčnyh plenom byti

Ale narody koje vråga ne ljubite

i boriti sę s nim velje hćete


otvorite ohotno dveri råzuma vašego

prijmijte orųžje tvŕdo nyně             (vslěd Ef. 6,17)

ježe kovajųt knigi Gospodjeve

glåvų diavòlovų moćno råztirajųće (vslěd Gen 3,15)


Bukvy seje, ktory člověk prijme

tomu Hristos mųdrosť svojų objavi

i pismenami duše vaše podkrěpi

i apostolami i prorokami.

Jerbo ljudi, ihne slovesa glagoljųće


možni bųdųt vråga ubiti

pobědų prinošųći dobrų k Bogu

a izběgajųći gnijųćego råzpada tělese

tělese, jegože život - kako vò sně.


Ne padajųći, ale krěpko stojųći

oni Bogu objavjų sę kako hråbri

stojati bųdųt po desnice božjego trona    (Mat 25,33)

kògda ognjem [Bog] bųde sųdil narody    (vslěd Mar 9,49)


oni bųdut radovati sę s angelami navěki

slavjųći věčno Boga milosŕdnogo

knižnymi vsjakimo pěsnjami

Bogu pěvajųći, ljudi ljubjųćemu


Jerbo Jemu prinaleži vsjaka slava,

česť i hvala Božjemu Synu zajedno

sò Otcem i Svętym Duhom

na věky věkov od vsěh stvorov.


Amin.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.