Fandom

Medžuslovjanski Vikisbornik Wiki

Ukrajina je jedna iz najgorših ekonomik světa råztraćajųći ogromny potencial - Gabriel Svoboda

53pages on
this wiki
Add New Page
Comments0 Share
Кирилица
Вторник, 02 Август 2011, написано на страници Izvěsti.info

автор: Gabriel Svoboda ревизија: asank правописанье: MS Plus


Данил Фишер, редактор сјединьеноштатного[1] финансово-економичного журнала Форбс, написал на својем блогѣ, же Украјина, Мадагаскар, Јамајка, Гвинеја, Венезуела, Киргизстан, Свазиленд, Никарагуа и Иран сѫт најгорше економики свѣта. Множинство тых крајев ту је такоже в долном четвъртѣ списа крајев съгласно индексу взпријѧтја подкупа Трансперенси Интернешнл. Украјина је стотридесѧтчетвърта из стоседмдсѧтьосм крајев.

Украјина има плоднѫ земјѫ и велико минерално богатство и она могла бы стати воджѫћејѫ европејскојѫ економикојѫ. Але Грубы Националны Продукт(ГНП) на главѫ насельенја (тритысѧћ четыристо осмдсѧть три доларов) влѣче сѧ далеко даже за крајами како Сърбија и Булгарија. Компликоване законы и правила, лоше корпоративно управјенје, слаба изконавамость[2] договорного права прѣд сѫдами, и особливо подкуп сѫт факторы, которе отѧгчајѫт економичны потенциал Украјины.

Владне чиновники кажѫт, же економика Украјины уже одскочила од дна и она бѫде расти о пѧть процентов в том годѣ ту, послѣ сниженја о пѧтнадсѧть процентов при кризѣ в дватысѧћдевѧтом годѣ. Але експерты кажѫт, же богатство в крају је сѫсрѣджено в рѫках малој скупшчины олигархов. Чо выше, двуцифрена инфлација уже другим годом изсыса кѣшени бѣдных граджанов. Подкуп и парализујѫћа бјурокрација отѧгча конкуренцијѫ, мале фирмы и такоже потрѣбне инвестицији. Съгласно Трансперенси Интернешнл, подкуп разширьа сѧ в економично развиванје; где влада не функционује, економика не функционује такоже.


UKRAJINA JE JEDNA IZ NAJGORŠIH EKONOMIK SVĚTA RÅZTRAĆAJŲĆI OGROMNY POTENCIAL

Vtornik, 02 Avgust 2011, napisano na strånici Izvěsti.info

avtor: Gabriel Svoboda revizija:asank pravopisanje:MS Plus


Danil Fišer, redaktor sjedinjenoštatnogo[3] finansovo-ekonomičnogo žurnala Forbs, napisal na svojem blogě, že Ukrajina, Madagaskar, Jamajka, Gvineja, Venezuela, Kirgizstan, Svazilend, Nikaragua i Iran sųt najgorše ekonomiki světa. Množinstvo tyh krajev tu je takože v dolnom četvŕtě spisa krajev sòglåsno indeksu vzprijęťja podkupa Transperensi Internešnl. Ukrajina je stotridesętčetvŕta iz stosedmdsęťosm krajev.

Ukrajina ima plodnų zemjų i veliko mineralno bogatstvo i ona mogla by stati vodžųćejų evropejskojų ekonomikojų. Ale Gruby Nacionalny Produkt(GNP) na glåvų naseľeňja (tritysęć četyristo osmdsęť tri dolarov) vlěče sę daleko daže za krajami kako Sŕbija i Bulgarija. Komplikovane zakony i pravila, loše korporativno upravjeňje, slaba izkonavamosť[4] dogovornogo prava prěd sųdami, i osoblivo podkup sųt faktory, kotore otęgčajųt ekonomičny potencial Ukrajiny.

Vladne činovniki kažųt, že ekonomika Ukrajiny uže odskočila od dna i ona bųde råsti o pęť procentov v tom godě tu, poslě snižeňja o pętnadsęť procentov pri krizě v dvatysęćdevętom godě. Ale eksperty kažųt, že bogatstvo v kraju je sųsrědženo v rųkah maloj skupščiny oligarhov. Čo vyše, dvucifrena inflacija uže drugim godom izsysa kěšeni bědnyh grådžanov. Podkup i paralizujųća bjurokracija otęgča konkurencijų, male firmy i takože potrěbne investiciji. Sòglåsno Transperensi Internešnl, podkup råzširja sę v ekonomično råzvivaňje; gde vlada ne funkcionuje, ekonomika ne funkcionuje takože.


  1. од Сјединьене Штаты (Америки)
  2. од меджс изконавчи
  3. od Sjedinjene Štaty (Ameriki)
  4. od medžs izkonavči

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.